ہمیں بتایا ہی نہیں گیا کہ فواد کو کس کیس میں گرفتار کیا گیا، حبا فواد

اسلام آباد (این این آئی)سابق وفاقی وزیر فواد چوہدری کی اہلیہ حبا فواد نے کہا ہے کہ ہمیں بتایا ہی نہیں گیا کہ فواد کو کس کیس میں گرفتار کیا گیا ہے۔ کچہری کے باہر میڈیا سے گفتگو کرتے ہوئے حبا چوہدری نے کہا کہ اب پتہ چلا کہ فواد چوہدری پر کیا ایف آئی آر ہے۔

حبا چوہدری نے کہاکہ حلفاً کہتی ہوں ایسا کچھ نہیں ہے، اگر ایسا کچھ ہوتا تو کیا پاکستان ڈیموکریٹک موومنٹ (پی ڈی ایم) فواد کو چھوڑتی۔ انہوں نے کہا کہ گزشتہ روز فردوس عاشق اعوان نے کہا تھا کہ فواد چوہدری کا راستہ ٹھیک نہیں، فردوس عاشق سے کہوں گی آپ بتائیں آپ کا راستہ کہاں ہے۔انہوںنے کہاکہ ہر پارٹی کی طرف فردوس عاشق اعوان کا جھکاؤ ہوتا ہے۔