5 months ago
63
لاہور ( این این آئی) نامور کلاسیکل گلوکار حسین بخش گلو لاہور میں انتقال کرگئے۔گلوکاراستاد حسین بخش گلو طویل عرصے سے بیمار تھے۔ ان کی عمر 75سال تھی۔ حسین بخش گلو کلاسیکی موسیقی کے مشہور شام چوراسی گھرانے سے تعلق رکھتے تھے۔ استاد حسین بخش گلو لاہور میں الحمرا اکیڈمی آف پرفارمنگ آرٹس سے وابستہ تھے۔
صوبائی وزیر اطلاعات و ثقافت عامر میر نے نامور کلاسیکل گلوکار حسین بخش کی وفات پر اظہار افسوس کرتے ہوئے کہا ہے کہ حسین بخش کی کلاسیکل موسیقی کے شعبے میں خدمات پر انہیں بھرپور خراج عقیدت پیش کرتا ہوں۔ عامر میر کا کہنا تھا کہ کلاسیکل موسیقی کے لیے حسین بخش کی خدمات تادیر یاد رکھی جائیں گی۔ اللہ تعالی حسین بخش مرحوم کے درجات بلند فرمائے اور لواحقین کو صبر جمیل عطا کرے۔ایگزیکٹوڈائریکٹر الحمرا طارق محمود چوہدری نے کلاسیکل گائیک استاد حسین بخش گلو کے انتقال پر گہرے دکھ اور افسوس کا اظہار کرتے ہوئے کہا ہے کہ استاد حسین بخش گلو گائیکی میں ایک چمکتا ستارہ تھے جنہوں نے اپنے فن سے ملک وقوم کا نام روشن کیا۔
