5 months ago
45
کراچی (این این آئی) شہر قائد میں بکرے کے گوشت کی قیمت 1700روپے فی کلو مقرر کردی گئی،بکرے کا گوشت 2000سے 2500روپے فی کلو فروخت کیا جا رہا ہے۔تفصیلات کے مطابق کمشنر کراچی سہیل راجپوت نے مٹن کے گوشت کی قیمتوں کی نئی فہرست جاری کر دی، جس کے تحت بکرے کا گوشت 1700 روپے فی کلو مقرر کردی ہے۔
کمشنر کراچی نے بتایا کہ بکری یابھیڑ کاگوشت 1490 روپے فی کلو اور دنبے کا گوشت 1590 روپے فی کلو مقرر کر دیا ہے۔سہیل راجپوت کا کہنا ہے کہ سرکاری قیمت سے زائدپرگوشت فروخت کرنیوالوں کیخلاف کارروائی کی جائے گی۔خیال رہے کراچی میں بکرے کا گوشت 2000 سے 2500 روپے فی کلو فروخت کیا جا رہا ہے۔
