پاکستان بڑا نان نیٹو اتحادی اور نیٹو پارٹنر ہے، امریکا

واشنگٹن(این این آئی)امریکی محکمہ خارجہ کے ترجمان نے کہا ہے کہ پاکستان بڑا نان نیٹو اتحادی اور نیٹو پارٹنر ہے، امریکا علاقائی سلامتی، دفاعی تعاون پر پاکستان کے ساتھ شراکت کا منتظر ہے۔میڈیارپورٹس کے مطابق بھارتی سپریم کورٹ کے فیصلے پر ترجمان کا کہنا تھا کہ فیصلے پر جموں و کشمیر میں پیش رفت کو قریب سے دیکھ رہے ہیں۔ان کا کہنا تھا کہ جموں و کشمیر میں سیاسی معاملات بحال کرنے کے بھارتی حکومت کے وعدے پورے کرنے کے منتظر ہیں۔