6 months ago
56
اسلام آباد (این این آئی)بھارت کی ٹینس کے میدان میں پاکستان کے خلاف سازش کی کوشش ناکام ہوگئی۔ڈیوس کپ ٹینس مقابلے میں انٹرنیشنل ٹینس فیڈریشن(آئی ٹی ایف)نے پاکستان کے حق میں ووٹ دے دیا۔انٹرنیشنل ٹینس فیڈریشن نے اگلے سال فروری میں پاکستان میں شیڈول ڈیوس کپ پر بھارتی موقف مسترد کر دیا۔ 15رکنی ڈیوس کپ کمیٹی نے دونوں ممالک کا مقف لینے کے بعد پاکستان کے حق میں ووٹ دیا۔
اس کے ساتھ انٹرنیشنل ٹینس فیڈریشن نے بھارتی ٹیم کو پاکستان میں میچ کھیلنے کی ہدایت کی۔پاکستان ٹینس فیڈریشن کے مطابق بھارت نے سکیورٹی خدشات کا بہانہ بنا کر پاکستان آنے سے انکار کیا تھا تاہم پاکستان وفد نے بھارتی مقف کو ماننے سے انکار کر دیا تھا۔واضح رہے کہ بھارت اور پاکستان کے درمیان ڈیوس کپ ٹائی مقابلے فروری کے پہلے ہفتے میں شیڈول ہیں۔
