6 months ago
47
مرادن(این این آئی)ن لیگ کے رہنما کیپٹن (ر)صفدر نے کہا ہے کہ نواز شریف کو 10سال کیلئے موقع دینا چاہیے، جمہوری نظام کو کسی نے ڈسٹرب کیا،کنٹینر لگے تو ڈالر اور آٹا کنٹرول میں نہیں آئیں گے۔میڈیا سے گفتگو کرتے ہوئے ن لیگی رہنما کیپٹن (ر)صفدر نے کہا کہ انتخابات کے بغیر ملک نہیں چلے گا، بات چیت ہر محب وطن سے کرنی چاہیے لیکن 9مئی کے دجالی فتنہ سے کوئی ہاتھ نہ ملائے۔
انہوں نے کہا کہ نواز شریف کے پاس ہر مشکل کی کنجی موجود ہے، ملک کی محبت کا تقاضا ہے کہ نظام کو چلنے دیا جائے، الیکشن وقت پر ہوں گے۔کیپٹن (ر)صفدر نے کہاکہ نواز شریف اصول پرست سیاستدان ہیں، نواز شریف کے سینے میں بڑا دل ہے، 2018 کے انتخابات میں الیکشن پر ڈاکہ ڈالا گیا، وہیں سے ملک کی تباہ کاریاں شروع ہوئیں۔
