4 months ago
33
سکھر(این این آئی)نامعلوم چور روہڑی کے نواحی گاؤں سے دو ٹرانسفارمر لے اڑے، گاؤں تاریکی میں ڈوب گئے ،گاؤں کے مکین شدید پریشان حال ،بالا حکام سے نوٹس لینے کا مطالبہ تفصیلات کے مطابق روہڑی جھانگڑو کی حدود غلام بند کے نواحی گاؤں علی خان تھییم سے نامعلوم چور بجلی فراہم کرنے والا ٹرانسفارمر چوری کرکے لے گئے جبکہ اسی طرح جھانگڑو تھانے کی حد گاؤں فوگن خان سروھی سے بھی نامعلوم چور ٹرانسفارمر اتار کراپنے ہمراہ لے گئے ہیں
جس کے باعث دونوں گاؤں تاریکی میں ڈوب گئے اور گھریلوں و کاروباری سرگرمیاں مفلوج ہوگئی ہیں اور رہائشی شدید پریشان حال زندگی بسر کرنے پر مجبور دیکھائی دے رہے ہیں متاثرہ گاؤں کے مکینوں کے مطانق اس سے قبل بھی نامعلوم چور جھانگڑو تھانے کی حدود کے مختلف گاؤں سے دس روز کے اندر 8سے زائد ٹرانسفارمر ،سولر پلیٹیں و دیگر برقی آلات کا سامان چوری کرچکے ہیں متاثرہ گاؤں کے مکینوں نے بالا حکام سے نوٹس لیکر ملوث چوروں کے خلاف کاروائی سمیت علاقہ مکینوں کو بجلی فراہم کرنے کا مطالبہ کیا ہے۔
