مکہ کے پہاڑوں پر لمبی لمبی گھاس اگ آئی

نیویارک(این این آئی)ناسا کی جانب سے فراہم کردہ سیٹلائٹ کی تصاویر میں گرم موسم کے ساتھ بارش ہو جانے کی وجہ سے مکہ میں پودوں کی تیزی سے افزائش ہوئی ہے۔سعودی سرکاری میڈیا کے مطابق سعودی عرب کے مقدس شہر مکہ مکرمہ اور اس کے اطراف کے پہاڑ کئی ہفتوں کی موسلا دھار بارشوں کے بعد سرسبز و شاداب ہو گئے۔سٹیلائٹ تصاویر میں سعودی عرب کے کئی حصوں خاص طور پرمغربی سعودی عرب میں خشک علاقوں میں بھی سبزہ نظر آ رہا ہے۔

ایجنسی نے حال ہی میں ایکس پر ویڈیو کلپ شیئر کیا تھاجس میں بارشوں کے بعد کا ماحولیاتی اثردیکھا جاسکتا ہے۔اس غیر معمولی صورتحال کی تصاویر اور ویڈیوز سوشل میڈیا پر تیزی سے وائرل ہیں،اور بہت سے صارفین کو حیران کر رہی ہیں۔کچھ لوگوں نے مکہ مکرمہ کی اچانک ہریالی کو نبی اکرم صلی اللہ علیہ وسلم کی ایک روایت سے جوڑا ہے۔جس میں انہوں نے فرمایا ہے کہ قیامت اس وقت تک نہیں آئے گی جب تک کہ سرزمین عرب گھاس کے میدانوں اور دریائوں میں تبدیل نہ ہو جائے۔