6 months ago
42
فیصل آباد (این این آئی)ایف آئی اے امیگریشن نے غیر قانونی پاسپورٹ پر لیبیا سے پاکستان آنیوالے 15مسافروں کو گرفتار کر لیا۔ تفصیلات کے مطابق ایف آئی اے نے فیصل آباد ایئرپورٹ پر کارروائی کرتے ہوئے غیر قانونی پاسپورٹ پر لیبیا سے پاکستان آنے والے 15مسافروں کو گرفتار کر لیا۔
ایف آئی اے ذرائع کے مطابق ملزمان بین الاقوامی پرواز کے ذریعے دوسرے شہریوں کے پاسپورٹ کا استعمال کرتے ہوئے لیبیا سے پاکستان پہنچے تھے ،ملزمان سے تحقیقات شروع کردی گئی ہیں۔ابتدائی تفتیش کے مطابق ملزمان نے مذکورہ پاسپورٹس فی کس 5لاکھ روپے ادا کرکے ایجنٹ سے حاصل کیے جبکہ ملزمان کو ایجنٹ کی نشاندہی اور مزید کارروائی کیلئے ایف آئی اے اینٹی ہیومن ٹریفیکنگ سرکل فیصل آباد منتقل کر دیا گیا ہے۔
