زبانی تکرار پر بھائی نے فائرنگ کرکے بہن کو موت کے گھاٹ اتار دیا

صوابی(این این آئی)موضع باکر میں زبانی تکرار پر بھائی نے گھر کے اندر فائرنگ کرکے اپنی بہن کو موت کے گھاٹ اتار دیا تاہم صوابی پولیس نے فوری اور بروقت کارروائی کرکے اپنی سگی بہن کو قتل کرنے والا قاتل بھائی چند منٹوں میں آلہ قتل پستول سمیت گرفتارکر لیا عثمان شیرسکنہ باکر نے تھانہ صوابی میں ایف آئی آر درج کراتے ہوئے بتایا کہ وہ جمعے کے روز اپنے اہل خانہ میں موجود تھے کہ اس دوران یاسین ولد عمر شیر سکنہ باکر سلیم خان نے ہمشیرہ مسماة(ح)کے ساتھ گھریلو مسائل کی وجہ سے زبانی تکرار شروع کی اس دوران مذکورہ ملزم نے طیش میں آکر اپنی بڈھ شلوار سے پستول نکال کر مسماة(ح)پر فائرنگ کی جس کی گولی لگنے سے مسماة(ح)موقع پر جاں بحق ہوئی۔

اس واقعہ کے حوالے سے ڈی ایس پی صوابی جواد خان اور ایس ایچ او صوابی منصف خان کے نگرانی میں چوکی سلیم خان انچارج اے ایس آئی ماجد خان معہ نفری پولیس نے فوری طور جائے وقوعہ پہنچ کر ملزم یاسین کو مسلح رنگے ہاتھوں گرفتار کرلیا۔مذکورہ ملزم کے خلاف مقدمہ درج رجسٹرڈ ہوکر تفتیش شروع کی گئی۔