5 months ago
44
کراچی(این این آئی)بین الاقوامی مالیاتی فنڈ (آئی ایم ایف)نے کہاہے کہ رواں مالی سال کے اختتام تک پاکستان کے قرضوں کی مالیت 818 کھرب تک پہنچ جائے گی، جب کہ وفاقی بجٹ کے حجم کا تخمینہ 154 کھرب روپے ہوگا۔بین الاقوامی مالیاتی فنڈ نے پیش گوئی کی ہے کہ رواں مالی سال کے اختتام تک قرضوں کی مالیت 818 کھرب تک پہنچ جائے گی، جب کہ بجٹ خسارہ اور سود کی ادائیگی کے اخراجات مختص منظور شدہ رقم سے زیادہ ہوں گے۔
میڈیا رپورٹ کے مطابق آئی ایم ایف نے اب پاکستان کے وفاقی بجٹ کے حجم کا تخمینہ 154 کھرب روپے لگایا ہے، جو رواں سال منظور کردہ بجٹ سے 11 کھرب روپے زیادہ ہوگا۔آئی ایم ایف کے مطابق رواں مالی سال کے اختتام تک حکومت اور حکومتی ضمانتی قرضہ 818 کھرب روپے تک بڑھ سکتا ہے، جو جی ڈی پی کے 77 فیصد سے زائد ہوگا، اور بجٹ خسارہ 69 کھرب کے ہدف کے مقابلے میں بڑھ کر 82 کھرب روپے تک پہنچ جائے گا۔
