خناق سے ایک ہی سکول کے تین بچے دم توڑ گئے، مزید آٹھ بچے متاثر

چارسدہ کے علاقہ شابڑہ میں خناق نے 3 طالبعلموں کی جان لے لی ،مزید 8 بچے بھی متاثر ہو چکے ہیں۔ ڈی ایچ او فرہاد خان کے مطابق گزشتہ ایک ہفتے کے دوران گورنمنٹ پرائمری سکول شابڑہ کے 3 بچے جان لیوا مرض خناق سے دم توڑ گئے ہیں جس پر فوراً ایکشن لیتے ہوئے انتظامیہ نے گورنمنٹ پرائمری سکول شابڑہ کا دورہ کیا اور محکمہ صحت کی ٹیمیں پہنچا دی گئیں۔

سکول میں تمام بچوں کی سکریننگ ٹسٹ شروع کردی گئیں۔ ڈی ایچ او فرہاد خان کے مطابق ضلع بھر کے تمام سکولوں کی سکریننگ اور ویکسینشن کی جائیگی،ان کے مطابق جن سکولوں میں متاثرہ بچے پائے گئے، ان کو عارضی طور پر بند کیا جائیگا۔