بیوی کی علیحدگی سے دلبرداشتہ 28 سالہ نوجوان نے خودکشی کر لی

لاہور( این این آئی) لاہور کے علاقہ شمالی چھائونی میں 28 سالہ نوجوان نے گلے میں پھندا ڈال کر خودکشی کر لی ۔اہل خانہ نے پولیس کو اپنے بیان میں بتایا کہ حیدر علی اپنی بیوی سے علیحدگی کا غم برداشت نہ کر سکا اور اس نے نشہ کرنا شروع کر دیا تھا ،وہ ذہنی تنائوکا شکار تھا اور زیادہ وقت کمرے میں اکیلا ہی رہتا تھا۔ پولیس نے لاش کو پوسٹمارٹم کیلئے مردہ خانے منتقل کر دیا ہے اور پولیس نے مختلف پہلوئوں سے تحقیقات کا آغاز بھی کر دیا ہے ۔