5 months ago
59
مکوآنہ (این این آئی)بہن کے ناجائز تعلقات کی شکایت کرنے پر سالوں نے تشدد کر کے بہنوئی کو موت کے گھاٹ اتار دیا، پولیس نے نعش تحویل میں لیکر پوسٹ مارٹم کیلئے ہسپتال منتقل کر کے قاتلوں کی تلاش شروع کر دی۔تفصیلات کے مطابق 469 گ ب سمندری کے رہائشی ستار مسیح نے پولیس رپورٹ میں بتایا کہ اسکے بھتیجے یاسر مسیح کی شادی کچھ عرصہ قبل شمائلہ بی بی سے ہوئی تھی اور بعدازاں شمائلہ بی بی نے مبینہ طور پر مون مسیح نامی شخص سے ناجائز استوار کر رکھے تھے،
جس کا علم اسکے شوہر یاسر مسیح کو ہوا، اس نے بیوی سے بازپرس کی اور بری حرکات سے منع کیا تو وہ باز نہ آئی جس پر اس نے سالوں کو بھی شکایات کی تو انہوں نے بُرا مناتے ہوئے گھر آکر بہنوئی یاسر مسیح کو تشدد کا نشانہ بنایا، حالت غیر ہونے پر یاسر مسیح کو ہسپتال لایا گیا، جہاں وہ زخموں کی تاب نہ لاتے ہوئے دم توڑ گیا، پولیس نے نعش قبضہ میں لیکر پوسٹ مارٹم کیلئے ہپستال منتقل کر کے قاتلوں کی تلاش شروع کر دی ہے۔
