ایف بی آر نے مونس الٰہی کی کمپنی پر چھاپہ مارنے کیلئے سرچ وارنٹ حاصل کر لئے

اسلام آباد (این این آئی) ایف بی آر نے سابق وفاقی وزیر مونس الٰہی کی کمپنی پر چھاپہ مارنے کیلئے عدالت سے سرچ وارنٹ حاصل کر لئے ۔تفصیلات کے مطابق ایف بی آر نے سابق وفاقی وزیر مونس الٰہی کی کمپنی پر چھاپہ مارنے کیلئے عدالت سے سرچ وارنٹ حاصل کرلیا، ایف بی آر پریما ملک کے ہیڈ آفس اور پلانٹ پر چھاپہ مارے گی جبکہ تمام سیلز ریکارڈز اور اکائونٹس کی جانچ پڑتال بھی کی جائیگی

۔پریما ملک کا ہیڈ آفس لاہور اور پلانٹ قصور میں واقع ہے، ایف بی آر حکام کے مطابق اکائونٹس کی جانچ پڑتال کے بعد اور ضرورت پڑنے پر کمپنی کو سیل بھی کیا جائے گا۔واضح رہے کہ سابق وزیراعلی پنجاب کے بیٹے مونس الٰہی کو وطن واپس لانے کیلئے نگران وفاقی حکومت نے انٹرپول سے رابطہ کرلیا ہے۔