اوگرا نے ایل پی جی کی قیمت میں اضافہ کردیا

لاہور ( این این آئی) اوگرا نے ایل پی جی کی قیمت میں تقریباً چار روپے کا اضافہ کردیا۔ آئل اینڈ گیس ریگولیٹری اتھارٹی (اوگرا ) نے ایل پی جی کی قیمت 3 روپے 82 پیسے فی کلو بڑھا دی ہے جس کا نوٹیفکیشن بھی جاری کردیا گیا ہے۔نوٹیفکیشن کے مطابق 11.8کلو گرام کے گھریلو سلنڈر کی قیمت میں 45روپے 18پیسے کا اضافہ کرتے ہوئے دسمبر کے لیے گھریلو سلنڈر کی قیمت 3ہزار 7روپے مقرر کی گئی ہے۔