افغان شہریوں کی غیر قانونی نقل و حمل روکنے کیلئے بلوچستان، کے پی کے سرحدی علاقوں میں ایف آئی اے کی دس چوکیاں قائم

اسلام آباد (این این آئی)افغان شہریوں کی غیر قانونی نقل و حمل روکنے کیلئے بلوچستان و خیبرپختونخوا کے سرحدی علاقوں میں ایف آئی اے کی دس چوکیاں قائم کر دی گئیں۔ تفصیلات کے مطابق افغان شہریوں کی غیر قانونی نقل و حمل روکنے کیلئے بلوچستان و خیبرپختونخوا کے سرحدی علاقوں میں ایف آئی اے کی دس چوکیاں قائم کر دی گئی ہیں۔

چوکیاں انسانی سمگلنگ و دیگر غیرقانونی نقل و حمل سرحد پر ہی روکیں گی ،ضلع کیچ میں تین، گوادر میں دو جبکہ چاغی اور قلعہ سیف اللہ میں ایک ایک چوکی قائم کی گئی ہے۔جنوبی وزیرستان، میرانشاہ اور کرم میں بھی ایک ایک چوکی بنائی گئی ہے۔ایف آئی اے کی تمام چوکیاں وزارت داخلہ کی منظوری سے قائم کی گئیں۔ایف آئی اے امیگریشن نے چوکیاں قائم کرکے رپورٹ وزارت داخلہ کو ارسال کردی ہے۔