اسلام آباد میں دھواں چھوڑنے والے گاڑیوں کے داخلے پر پابندی

اسلام آباد (این این آئی)وفاقی دارالحکومت میں دھواں چھوڑنے والے گاڑیوں کے داخلہ پر پابندی عائد کر دی گئی ۔اسلام آباد انتظامیہ کے مطابق اسموگ اور ماحولیاتی آلودگی کے باعث دھواں چھوڑنے والی کسی بھی گاڑی کو شہر میں داخل ہونے نہیں دیا جائے گا۔انتظامیہ کے مطابق دھواں چھوڑنے والی گاڑیوں پر پابندی کا اطلاق جنوری تک کیا گیا ہے۔

دوسری جانب پنجاب میں اسموگ کے باعث 8 شہروں میں دفعہ 144 نافذ کر دی گئی ہے جبکہ فصلیں، کوڑا کرکٹ، ٹائر، پولیتھین بیگ، پلاسٹک ربڑ اور لیدر کے جلانے پر بھی پابندی عائد کی گئی ہے۔لاہور، شیخوپورہ، قصور، ننکانہ صاحب، گوجرانوالہ، حافظ آباد، ناروال اور سیالکوٹ شہر میں دفعہ 144 لگائی گئی ہے جس کا نفاذ 3 دن کیلئے کیا گیا ہے۔