پی ڈی ایم نے عمران خان کی نااہلی کیلئے ریفرنس دائر کردیا

2 months ago 104

اسلام آباد : پاکستان ڈیمو کریٹک موومنٹ (پی ڈی ایم ) نے آرٹیکل63 کے تحت چیئرمین پی ٹی آئی عمران خان کی نااہلی کیلئے ریفرنس دائر کردیا۔

تفصیلات کے مطابق پاکستان ڈیمو کریٹک موومنٹ (پی ڈی ایم ) نے چیئرمین تحریک انصاف عمران خان کی نااہلی کیلئے الیکشن کمیشن میں ریفرنس دائرکردیا۔

پی ڈی ایم نے الیکشن کمیشن میں آرٹیکل 63 کے تحت ریفرنس دائر کیا، جس میں کہا گیا ہے کہ عمران خان نےتوشہ خانہ میں ملنےوالےتحائف کوظاہرنہیں کیا۔

ریفرنس میں استدعا کی گئی ہے کہ عمران خان کو آرٹیکل 62 ون ایف کے تحت نااہل کیا جائے۔

گذشتہ روز وزیراعظم شہباز شریف کی زیر صدارت پی ڈی ایم اور اتحادی جماعتوں کا اجلاس ہوا تھا ، جس میں چیئرمین تحریک انصاف اور سابق وزیراعظم عمران خان کو نااہل کرانے کے لیے ریفرنس دائر کرنے کا فیصلہ کیا گیا تھا، یہ ریفرنس آرٹیکل 62 اور 63 کے تحت ریفرنس دائر کیا جائے گا۔

اجلاس میں عمران خان کا نام ای سی ایل میں ڈالنے کا بھی فیصلہ کیا گیا تھا تاہم ای سی ایل میں نام ڈالنے کی منظوری وفاقی کابینہ سے لی جائے گی۔

Comments

Read Entire Article