عید الفطر پر کتنے سیاحوں نے خیبرپختونخوا کے سیاحتی مقامات کا رخ کیا؟

4 months ago 75

پشاور: عید الفطر کے پہلے 4 روز میں 3 لاکھ 63 ہزار سے زائد سیاحوں نے پاکستان کے سیاحتی مقامات کا رخ کیا، جس سے مقامی معیشت میں بتدریج بہتری آئی۔

تفصیلات کے مطابق محکمہ سیاحت خیبرپختونخوا نے عید الفطر میں سیاحتی مقامات کی سیر کے لئے آنے والوں کے اعداد و شمار جاری کردیئے ہیں۔

تفصیلات کے مطابق محکمہ سیاحت خیبرپختونخوا کائیٹ پراجیکٹ نے عیدالفطر کے 4 دنوں کے دوران صوبے کے 7 مختلف اہم سیاحتی مقامات پر سیاحوں کی آمد کے اعداد و شمار جاری کر دیئے۔

ترجمان کے پی ٹورزم سعد بن اویس نے بتایا عید الفطر کے پہلے 4 روز میں 3 لاکھ 63 ہزار سے زائد سیاحوں نے خیبرپختونخوا کا رخ کیا، خیبرپختونخوا کے سیاحتی مقامات پر سیاحوں کی آمد میں ریکارڈ اضافہ ہوا ہے۔

ترجمان محکمہ سیاحت کا کہنا تھا کہ سیاحوں کی بڑی تعداد میں آمد سے مقامی معیشت میں بتدریج بہتری آ رہی ہے، محکمہ سیاحت خیبرپختونخوا اور متعلقہ ضلعی انتظامیہ نے سیاحوں کو بہترین سہولیات فراہم کیں۔

ترجمان کے مطابق سیاحوں کی سہولت کے لئے ٹورسٹ فیسیلیٹیشن ہب خیبرپختونخوا 24/7 ہیلپ لائن قائم کی گئی، ہیلپ لائن کے ذریعے سیاحوں کی بھرپور رہنمائی فراہم کی گئی، ٹورسٹ فیسیلیٹیشن ہب خیبرپختونخوا 24/7 ہیلپ لائن سیاحوں کو صوبے میں سیاحت سے متعلق ہر قسم کی معلومات فراہم کر رہی ہے۔

محکمہ سیاحت نے کہا کہ خیبرپختونخوا آنے والے سیاح کسی بھی سیاحتی و سفری معلومات یا سفر کے دوران کسی بھی غیر متوقع صورت حال سے بچنے کے لیے ہیلپ لائن نمبر 1422 پر رابطہ کریں۔

ترجمان نے بتایا کہ سیاحتی مقام کے لیے روانہ ہونے سے پہلے محفوظ سفر اور ذمہ دارانہ سیاحت کو یقینی بنانے کے لئے ٹورزم ڈیپارٹمنٹ کے جاری کردہ سیاحتی ہدایات پر عمل کریں۔

Comments

Read Entire Article