’رشتوں کو اگر دل سے قبول کیا جائے تو محبت بھی ہو ہی جاتی ہے‘

1 month ago 47

اے آر وائی ڈیجیٹل کے ڈرامہ سیریل ’ہوک‘ کا دوسرا ٹیزز ریلیز ہوتے ہی مقبول ہوگیا۔

ڈرامہ سیریل ’ہوک‘ اے آر وائی ڈیجیٹل پر جلد نشر کیا جائے گا جس کی لیڈ کاسٹ میں سینئر اداکار شبیر جان، حنا دلپذیر، فیصل قریشی، صائمہ نور، کنزا ہاشمی ودیگر شامل ہیں۔

ہوک‘ کی ہدایت کاری کے فرائض محسن مرزا نے انجام دیے ہیں جبکہ اس کی کہانی شگفتہ بھٹی اور شاہد ڈوگر نے لکھی ہے۔

دوسرے ٹیزر میں دکھایا گیا ہے کہ ’صائمہ نور، فیصل قریشی کی اہلیہ ہیں، ان کے درمیان تعلقات میں کشیدگی دکھائی گئی ہے جبکہ حنا دلپذیر، فیصل قریشی کی والدہ کے کردار میں موجود ہیں، وہ کہتی ہیں کہ ’رشتوں کو اگر دل سے قبول کیا جائے تو محبت بھی ہو ہی جاتی ہے۔

فیصل قریشی کہتے ہیں کہ ’میں نے بڑی عمر کی عورت سے شادی کرکے دل سے سوچنے کی تو عمر ہی گزار دی ہے۔‘ ایک سین میں وہ کہتے ہیں کہ ’ مجھے محبت کی ضرورت نہیں ہے بس جو رشتہ ہے ہمارے درمیان اس کا تقدس پامال نہ ہو۔‘

آخر میں وہ کہتے ہیں کہ ’جو رشتے سمجھوتے میں بندھے ہوں ان کی منزل محبت نہیں ہوتی۔‘

دوسری جانب صائمہ نور کہتی ہیں کہ ’اسی عمروں کے فرق میں ہم نے ساری زندگی گزاردی کاش میں ان سے اتنی بڑی نہ ہوتی۔‘

واضح رہے کہ گزشتہ دنوں ’ہوک‘ کی پہلی جھلک جاری کی گئی تھی جس میں کنزا ہاشمی کہتی ہیں کہ ’کتنی خوبصورت ہے زندگی ہر طرف خوشیاں اور مسکراہٹیں، کسی اپنے کی محبت کا احساس، میرے خواب، خواہشیں سب میری مٹھی میں ہیں مگر خواب تو خواب ہوتے ہیں کسی وقت بھی آنکھ کھل سکتی ہے۔‘

اسی اثنا میں فیصل قریشی کی انٹری ہوتی ہے وہ گاڑی سے اترتے ہی کنزا ہاشمی کے پاس پہنچتے ہیں اور انہیں دھمکا رہے ہوتے ہیں۔

واضح رہے کہ لیجنڈری اداکار فیصل قریشی اس سے قبل اے آر وائی ڈیجیٹل کے متعدد ڈراموں میں اداکاری کے جوہر دکھا چکے ہیں جن میں ’پچھتاوا‘۔ ’روگ‘۔ ’میرا یقین۔ ودیگر شامل ہیں۔

دوسری جانب کنزا ہاشمی نے ڈرامہ سیریل ’آزمائش‘ میں ’نمرا‘ کا کردار نبھایا تھا جس کی کاسٹ میں گل رعنا، شہود علوی، لیلیٰ واسطی، فہد شیخ، یشما گل، فرقان قریشی ودیگر شامل تھے۔

Comments

Read Entire Article