1 month ago
53
سعودی عرب میں چار ملکی ویمنز فٹبال ٹورنامنٹ میں شاندار کارکردگی دکھانے والی ٹیم میں شامل صاحبہ شیر دل کا گھر واپسی پر شاندار استقبال کیا گیا۔
چند روز قبل پاکستان کی ویمن فٹبال ٹیم نے کئی برسوں بعد بین الاقوامی ایونٹ میں حصہ لیا، سعودی عرب میں کھیلے گئے 4 ملکی ویمنز فٹ بال ٹورنامنٹ میں پاکستان نے خلاف توقع دوسری پوزیشن حاصل کی، جسے ناصرف پاکستان بلکہ بھرمیں سراہا گیا۔
قومی فٹ بال ٹیم میں شامل کراچی کے علاقے ماڑی پور سے تعلق رکھنے والی کھلاڑی صاحبہ شیردل کی واپسی پر شانداراستقبال کیا گیا۔
اس موقع پر ڈھول کی تھاپ پر روایتی رقص کرکے قوم کی بیٹی کو خوش آمدید کہا گیا اور علاقہ مکین رقص کرکے خوشیاں مناتے رہے۔
صاحبہ سر دل کے اہل محلہ کا کہنا تھا کہ صاحبہ نے بین الاقوامی ایونٹ میں شرکت کرکے ناصرف انے خاندان بلکہ اپنے علاقے کا نام بھی روشن کیا ہے۔
واضح رہے کہ صاحبہ شیردل کا گھر کراچی کے جس علاقے میں واقع ہے وہ لیاری سے متصل ہے اور لیاری کو فٹبال کا گڑھ کہا جاتا ہے، جہاں سے کئی کھلاڑیوں نے پاکستان کی نمائندگی کی ہے۔
