عدنان صدیقی نے سیاست میں شمولیت کی خبروں پر خاموشی توڑ دی

1 month ago 34

پاکستانی ڈرامہ اور فلم انڈسٹری کے معروف اداکار عدنان صدیقی نے سیاست میں شمولیت کی خبروں پر خاموشی توڑ دی۔

اداکار عدنان صدیقی نے گزشتہ دنوں لندن میں سابق وزیراعظم نواز شریف سے ملاقات کی جس کے بعد سوشل میڈیا پر خبریں گردش کررہی تھیں کہ اداکار نے ن لیگ میں شمولیت اختیار کرلی ہے۔

تاہم اب عدنان صدیقی نے سماجی رابطے کی ویب سائٹ ٹویٹر پر وضاحت دیتے ہوئے ان تمام خبروں کی تردید کردی ہے۔

عدنان صدیقی نے لکھا کہ ’میں نے کسی سیاسی جماعت میں شمولیت اختیار نہیں کی، ایسی جعلی اور بے بنیاد خبروں کو شائع کرنے سے پہلے اس کی تصدیق کرلیا کریں۔‘

واضح رہے کہ گزشتہ دنوں عدنان صدیقی کی سابق وزیراعظم نواز شریف کے ساتھ ملاقات کی تھی جس کی تصویر سوشل میڈیا پر وائرل ہوگئی تھی جس پر مداحوں کی جانب سے تبصرے کیے گئے تھے۔

یہ پڑھیں: نواز شریف سے اداکار عدنان صدیقی کی ملاقات

ان کا کہنا تھا کہ لندن میں فلم کی تشہیر کر رہے ہیں اور سابق وزیراعظم کو فلم دیکھنے کی دعوت دینے آیا تھا۔

اداکار کا کہنا تھا کہ نواز شریف سے ملاقات بہت زبردست رہی اور انہوں نے ملاقات میں انڈسٹری کی بہتری کیلئے اقدامات کا بتایا۔

عدنان صدیقی کا کہنا تھا کہ ملاقات میں فلم پالیسی سے متعلق بھی گفتگو ہوئی۔

Comments

Read Entire Article