ویڈیو کالنگ میں 1 ہزار افراد کو شامل کرنے کا فیچر متعارف

1 month ago 19

میسجنگ ایپ ٹیلی گرام نے اپنی ویڈیو کالنگ میں 1 ہزار افراد کو شامل کرنے کا فیچر متعارف کروا دیا، ویڈیو کال میں 30 افراد ہی نظر آئیں گے مگر باقی 970 صارفین کال کا حصہ بن کر ویڈیو کو دیکھ سکیں گے اور بات چیت کرسکیں گے۔

بین الاقوامی ویب سائٹ کے مطابق میسجنگ ایپ ٹیلی گرام نے ویڈیو کال میں شامل افراد کی تعداد میں اضافہ کردیا ہے، ٹیلی گرام نے جون 2021 میں گروپ ویڈیو کالنگ کا فیچر متعارف کروایا تھا۔

میسجنگ ایپ کے نئے ورژن میں اب کسی گروپ ویڈیو کال میں ایک ہزار افراد کو شامل کیا جاسکے گا، ویسے ویڈیو کال میں 30 افراد ہی نظر آئیں گے مگر باقی 970 صارفین کال کا حصہ بن کر ویڈیو کو دیکھ سکیں گے اور بات چیت کرسکیں گے۔

کمپنی کے مطابق جب اس فیچر کو متعارف کروایا گیا تھا، اسی وقت سے گروپ چیٹ میں لوگوں کی تعداد کو بڑھانے کی منصوبہ بندی کی جارہی تھی تاکہ ویڈیو و وائس کالز کو لائیو ایونٹس کے لیے استعمال کیا جاسکے۔

ویڈیو میسجنگ فیچر میں اپ ڈیٹ کے بعد اب صارفین ہائی ریزولوشن ویڈیو کو بھی دیکھ سکیں گے جبکہ ون آن ون ویڈیو کال کے دوران اسکرین کو ساؤنڈ کے ساتھ شیئر کرسکیں گے۔

اسی طرح اپنے میسجز کو ایک دن یا ہفتے کی بجائے ایک ماہ بعد تک آٹو ڈیلیٹ کرسکیں گے۔ ٹیلی گرام نے میڈیا ایڈیٹر کو بھی اپ ڈیٹ کیا ہے اور زومنگ کو بہتر کیا گیا ہے۔

Comments

Read Entire Article