"مریم صفدر کون ہے؟ جس کے لیے سرکاری مقامات کو مسمار کیا جا رہا ہے”

2 months ago 41

اسلام آباد : تحریک انصاف کے رہنما فرخ حبیب کا کہنا ہے کہ مریم صفدرکون ہے؟ جس کے لیے سرکاری مقامات کو مسمار کیا جا رہا ہے۔

تفصیلات کے مطابق تحریک انصاف کے رہنما فرخ حبیب نے سماجی رابطے کی ویب سائٹ ٹوئٹر پر اپنے بیان میں کہا کہ سرگودھا کمپنی باغ میں مریم صفدر کے جلسے کے لیے فٹبال گراؤنڈ مسمار کردیا گیا ، کوئی ہےپوچھنے والا کہ مریم صفدر کون ہے ، جس کے لیے سرکاری جگہوں کو مسمار کیا جا رہا ہے؟ شریف خاندان جہاں بھی گیا وہاں تباہی کے اثرات آنا شروع ہوجاتے ہیں۔

سرگودھا کمپنی باغ میں مریم صفدر کےجلسے کی خاطر ن لیگ نے سرگودھا فٹبال گراؤنڈ کو مسمار کر دیا

کیا کوئی ہوچھنے والا ہے کہ یہ مریم صفدر کون ہے جس کے لیئے سرکاری جگہوں کو مسمار کیا جا رہا ہے ؟
شریف خاندان جہاں بھی گیاوہاں تباہی کے اثرات آنا شروع ہوجاتےہے#امپورٹڈ__حکومت___نامنظور pic.twitter.com/w5gF5ZWS65

— Farrukh Habib (@FarrukhHabibISF) May 18, 2022

خیال رہے پنجاب حکومت سرگودھا میں مسلم لیگ ن کے جلسہ کے لیے سرکاری وسائل کا بے دریغ استعمال شروع کردیا، جلسے کے لئے فٹبال گراؤنڈ سرگودھا کی دیواریں اور اسٹینڈ گرا دیئے جبکہ فٹبال گراؤنڈ کی حال ہی میں تعمیرمکمل ہوئی تھی۔

جلسہ گاہ کو وسیع کرنے کیلئے دیواریں توڑی گئیں،ڈپٹی کمشنر سرگودھا نے بتایا کہ ہمیں چیف منسٹرحمزہ شہبازکے دورے کا بتایا گیا ہے، وزیراعلی کادورہ ہو تو سرکار اور وسائل استعمال ہوتے ہیں۔

ڈپٹی کمشنر کا کہنا تھا کہ جوکیا اور کر رہے ہیں وزیراعلی کی سیکورٹی اورپرٹوکول کے پیش نظر ہے، گراؤنڈ میں ہوئی ٹوٹ پھوٹ کی بحالی ن لیگ کرائے گی۔

Comments

Read Entire Article