کیا سچن ٹندولکر کی بیٹی بھی بالی ووڈ میں آنے والی ہیں؟

1 week ago 33

سابق بھارتی لیجنڈری کرکٹر سچن ٹنڈولکر کی بیٹی سارہ ٹنڈولکر کے حوالے سے ان دنوں خبریں زیر گردش ہیں کہ وہ جلد ہی بھارتی فلم انڈسٹری بالی ووڈ میں نظر آنے والی ہیں۔

بھارت کے ماسٹر بلاسٹر سچن ٹنڈولکر کو ہندوستان میں کرکٹ کا بھگوان مانا جاتا ہے، ٹنڈولکر کی وجہ سے ان کے بیٹے ارجن ٹنڈولکر اور بیٹی سارہ ٹنڈولکر بھی خبروں میں رہتے ہیں۔ بھارتی ویب سائٹ کوئی موئی کے مطابق سارہ ٹندولکر کی انسٹاگرام پر تصویروں میں لوگ کافی دلچسپی لے رہے ہیں اور ان کے بالی ووڈ ڈیبیو کا انتظار کر رہے ہیں۔

ہفتے کو سارہ ٹندولکر ممبئی ایئرپورٹ پر دیکھی گئی ہیں، جس کے بعد سوشل میڈیا صارفین اس بارے میں بات چیت کر رہے ہیں کہ کیا ان کی حالیہ آنیاں جانیاں اس لیے ہیں کہ وہ جلد ہی بالی وڈ میں ڈیبیو کرنے والی ہیں۔

سارہ سوشل میڈیا پر کافی مقبول ہیں، ان کے انسٹاگرام پر 20 لاکھ سے زیادہ فالوورز ہیں جہاں وہ مداحوں کے ساتھ وہ اپنی تصاویر اور ویڈیوز شیئر کرتی رہتی ہیں۔

ان کی ویڈیو پر تبصرہ کرتے ہوئے صارف نے لکھا کہ یوں لگتا ہے کہ جیسے ٹنڈولکر چل رہا ہے، باپ اور بیٹی کی چال ایک جیسی ہے۔

ایک اور صارف نے تبصرہ کیا کہ سارہ بالی ووڈ کی اداکاراؤں سے زیادہ خو بصورت ہیں۔

تیسرے صارف نے لکھا کہ شاید فلم میں آئیں گی، اس لیے کچھ دنوں سے تھوڑا زیادہ ہی کیپچر کیا جا رہا ہے۔

Comments

Read Entire Article