کامن ویلتھ گیمز کےلیے عالمی معیار کی ٹریننگ سے زیادہ فائدہ ہوتا،زمان انور

5 days ago 14

کامن ویلتھ گیمز میں حصہ لینے والے پاکستانی پہلوان زمان انور نے بتایا ہے کہ پاکستانی کھلاڑیوں کو بڑے ایونٹس کے لیے بین الاقوامی معیار کی ٹریننگ نہیں کروائی جاتی۔

کامن ویلتھ گیمز میں ریسلنگ کی 125 کلوگرام کیٹگری میں سلور میڈل حاصل کرنے والے پاکستانی پہلوان زمان انور نے سماء سے بات کرتے ہوئے بتایا کہ اللہ کا شکر ادا کرتا ہوں کہ فائنل مقابلہ کھیلا۔

زمان انور نے بتایا کہ فائنل میں حریف کھلاڑی اولمپئین تھا لیکن اچھا مقابلہ رہا تاہم گولڈ میڈل نہ جیتنے کا بہت دکھ ہے۔

زمان انور کا کہنا تھا کہ اس ایونٹ کے لیے ٹریننگ ٹھیک تھی لیکن اگر انٹرنیشنل طرز کی ٹریننگ ملتی تو فائدہ ہوتا۔

پاکستانی پہلوان نے کہا کہ حریف کھلاڑی کوانٹرنیشنل ٹریننگ کروائی جاتی ہے جبکہ ہم گھروں سے اٹھ کرمقابلہ کرنے آجاتے ہیں۔

انھوں نے یہ بھی بتایا کہ ان مقابلوں کے لیے انٹرنیشنل ٹریننگ بہت ضروری ہوتی ہے،بھارتی کھلاڑیوں نے قازقستان اورآسٹریلیا جاکر ٹریننگ کی تھی۔

Read Entire Article