کامن ویلتھ گیمز میں انعام بٹ نے سلور میڈل جیت لیا

5 days ago 13

برمنگھم میں جاری کامن ویلتھ گیمز میں قومی ریسلر انعام بٹ نے سلور میڈل جیت لیا جس کے بعد پاکستان کے میڈل کی تعداد چار ہوگئی۔

اے آر وائی نیوز کے مطابق قومی ریسلر انعام بٹ کو 86 کلو گرام کیٹیگری کے فائنل مقابلے میں بھارتی ریسلر دیپک پونیا نے شکست دی تاہم رنر اپ رہنے پر انہیں سلور میڈل دیا گیا۔

انعام بٹ نے سیمی فائنل میں جنوبی افریقی ریسلر ایڈورڈ لیسنگ کو 5-3 سے شکست دی تھی جبکہ کوارٹر فائنل میں انہوں ںے اسکاٹ لینڈ کو ریسلر کو 11-0 سے ہرایا تھا۔

مزید پڑھیں: پاکستان نے کامن ویلتھ گیمز نے ایک اور میڈل جیت لیا

واضح رہے کہ اس سے قبل قومی ریسلر عنایت اللہ نے 65 کلو گرام کیٹیگری میں اسکاٹش پلیئر کو ہرا کر برونز میڈل اپنے نام کیا تھا۔

کوارٹر فائنل میں عنایت اللہ نے نائیجیریا کے اماس ڈینئل 4-0 سے شکست دی تھی جبکہ انہیں سیمی فائنل میں شکست ہوئی تھی۔

یاد رہے کہ کامن ویلتھ گیمز میں پاکستان کے مجموعی میڈلز کی تعداد چار ہوگئی ہے پاکستان اب تک ایک گولڈ، ایک سلور اور دو کانسی کے تمغے جیت چکا ہے۔

Comments

Read Entire Article