چینی شہری کھمبے پر چڑھ گیا، شہر بھر کی بجلی بند

1 week ago 3

بیجنگ: چین میں ایک شخص نامعلوم وجوہات کی بنا پر بجلی کے کھمبے پر چڑھ کر بیٹھ گیا جس کی وجہ سے شہر بھر کی بجلی منقطع ہوگئی۔

چینی میڈیا رپورٹ پیپلز ڈیلی چائنا کی رپورٹ کے مطابق چین کے جنوب مغربی صوبے سچوآن کے علاقے چنگ دو میں ایک شخص نامعلوم وجوہات کی بنا پر بجلی کے کھمبے پر چڑھ کر بیٹھ گیا۔

جب بجلی کی ترسیل کرنے والی مقامی کمپنی کو اس بات کی اطلاع ملی تو فوری طور پر علاقے کی بجلی منقطع کردی گئی تاکہ مذکورہ شخص کی جان بچائی جاسکے۔

کمپنی کی جانب سے بجلی بند کرنے کے بعد سارا شہر تاریکی میں ڈوب گیا اور دس ہزار گھروں میں بجلی کی فراہمی معطل ہوئی۔ پولیس نے مذکورہ شخص کو ریسکیو کیا اور اُسے کھمبے سے اتار کر تھانے منتقل کردیا۔

سرکاری خبررساں ادارے نے شہریوں کو سختی سے تنبیہ کی کہ وہ اس حرکت سے باز رہیں کیونکہ یہ کام بہت زیادہ خطرناک ثابت ہوسکتا ہے۔ پولیس کی جانب سے بھی شہری کے کھمبے پر چڑھنے کی وجہ بیان نہیں کی گئی البتہ یہ ضرور بتایا گیا ہے کہ اُس سے تحقیقات کا آغاز کردیا گیا ہے۔

The most mind-boggling behavior ever! Man was found doing sit-ups on the overhead power line in SW China’s Chengdu, leading to a widespread power outage, affecting tens of thousands of residents. The police have detained the man. pic.twitter.com/Dl3DDc7qOX

— People’s Daily, China (@PDChina) February 22, 2021

بجلی فراہم کرنے والی کمپنی نے صارفین سے معذرت کرتے ہوئے کہا کہ اگر وہ فراہمی کو معطل نہیں کرتے تو شہری کی جان جانے کا خطرہ تھا، اسی کے پیش نظر علاقے میں بجلی کو بند کیا گیا۔

Comments

Read Entire Article