لاہور: فخر زمان اور صائم ایوب کی عمدہ اننگز کی بدولت پاکستان نے پہلے ٹی ٹوئنٹی میچ میں کیوی ٹیم کو جیتنے کے لئے 183 رنز کا ہدف دے دیا ہے۔
تفصیلات کے مطابق قذافی اسٹیڈیم میں کھیلے جارہے پہلے ٹی ٹوئنٹی میچ میں قومی ٹیم کے کپتان بابراعظم نے ٹاس جیت کر پہلے بیٹنگ کا فیصلہ کیا۔
قومی ٹیم کے کپتان بابراعظم اپنے 100 ویں میچ کو یادگار نہ بناسکے اور 9 رنز بناکر ایڈم ملنے کے ہاتھوں کلین بولڈ ہوئے، محمد رضوان بھی 8 رنز بناکر پویلین لوٹ گئے۔
اس موقع پر فخر زمان اور صائم ایوب نے ٹیم کو سبنھالا دونوں بیٹرز نے تیسری وکٹ کی شراکت داری پر 79 رنز بنائے، صائم ایوب 47 رنز بناکر رن آؤٹ ہوئے، فخرزمان بھی 47 رنز بناسکے۔ قومی ٹیم کے نائب کپتان شاداب خان 5، افتخار احمد 0 اور عماد وسیم 16 رنز بناسکے۔
پاکستانی اننگز کے اختتامی اوورز میں فہیم اشرف نے 22 رنز کی جارحانہ اننگز کھیل کر قومی ٹیم کے مجموعے کو 181 تک پہنچایا۔ پاکستانی ٹیم مقررہ 20 اوورز میں 182 رنز بناکر آل آؤٹ ہوگئی
نیوزی لینڈ کی جانب سے میٹ ہنری نے ہیٹ ٹرک کی، ایڈم ملنے نے دو جبکہ جیمز نیشم اور ایش سودھی نے ایک ایک وکٹ حاصل کی۔
ٹاس کے بعد گفتگو میں بابراعظم کا کہنا تھا کہ بیٹنگ پچ لگ رہی ہے اسی لئے ٹاس جیت کر پہلے بیٹنگ کا فیصلہ کیا ہے، کوشش کرینگے کہ نیوزی لینڈ کو 180 سے 190 رنز کا ہدف دیں۔
🚨 T O S S A L E R T 🚨
Pakistan win the toss and elect to bat first 🏏
Follow ball-by-ball updates: https://t.co/IrZaiL0msk#PAKvNZ | #CricketMubarak pic.twitter.com/5a4NoGoObb
— Pakistan Cricket (@TheRealPCB) April 14, 2023
ٹیم کمبی نیشن سے متعلق کپتان بابراعظم کا کہنا تھا کہ جونئیرز اور سینئیرز کا بہترین کمبی نیشن بنایا ہے۔ سو ٹی ٹوئنٹی کھیلے جانے پر اظہار مسرت کرتے ہوئے قومی ٹیم کے کپتان کا کہنا تھا کہ 100ٹی ٹوینٹی میچ کھیلنابڑااعزازہے،فیملی،پی سی بی اورساتھی کھلاڑیوں نےبہت ساتھ دیا۔
Our line-up for today's match 👇#PAKvNZ | #CricketMubarak pic.twitter.com/LQBQbR6UET
— Pakistan Cricket (@TheRealPCB) April 14, 2023
ٹاس کے بعد گفتگو میں نیوزی لینڈ کے کپتان ٹام لیتھم کا کہنا تھا کہ ٹاس جیتتےتو ہم بھی پہلےبیٹنگ کرتے، اب کوشش ہوگی کہ پاکستان کو کم اسکورتک محدود کریں۔
واضح رہے کہ پاکستان اور نیوزی لینڈ کے درمیان مجموعی طور پر 29 ٹی ٹوئنٹی انٹرنیشنل ہوئے ہیں جن میں سے پاکستان نے 18 اور نیوزی لینڈ نے 11 میں کامیابی حاصل کی ہے۔
پلیئنگ الیون پاکستان
بابراعظم (کپتان)، محمد رضوان، فخرزمان، صائم ایوب، شاداب خان، افتخار احمد، عماد وسیم، فہیم اشرف، شاہین آفریدی، حارث رؤف اور زمان خان
نیوزی لینڈ پلیئنگ الیون
ٹام لیتھم (کپتان)، چیڈ بووئیس، ول ینگ، ڈیرل مچل، مارک چیپمن، جیمز نیشم ، رچن رونڈا، ایڈم ملنے، میٹ ہیری، ایش سودھی اور بیجمن لسٹر۔
