موٹر سائیکل سے ٹکر کے بعد بس الٹ گئی، ویڈیو وائرل

1 week ago 26

سمرسیٹ : برطانیہ میں ڈبل ڈیکر مسافر بس کو خوفناک حادثہ پیش آیا ہے جس کی ویڈیو میں دل دہلا دینے والے مناظر دیکھ کر صارفین کے منہ حیرت اور افسوس سے کھلے کے کھلے رہ گئے۔

سوشل میڈیا پر وائرل ہونے والی ٹریفک حادثے کی ایک دردناک ویڈیو نے صارفین کو گہرے دکھ اور افسوس میں مبتلا کردیا اور وہ حادثے کے ذمہ دران کیخلاف کارروائی کا مطالبہ کررہے ہیں۔

ایک تیز رفتار ڈبل ڈیکر مسافر بس سامنے سے آنے والی موٹر سائیکل سے ٹکرا کے قلابازی کھاتے ہوئے الٹ گئی جس کے نتیجے میں درجنوں افراد زخمی ہوگئے جس میں سے متعدد مسافروں کی حالت تشویشناک بتائی جارہی ہے۔

یہ خوفناک حادثہ جنوب مغربی انگلینڈ کی ایک کاؤنٹی سمرسیٹ میں کوانٹاک روڈ پر گزشتہ شام پیش آیا، اس اندوہناک حادثے میں کئی لوگوں کے لمبے عرصے تک معذور ہونے کا خدشہ ہے۔

حادثے کے فوری بعد پولیس، فائربریگیڈ اور ایمبولینسز کی بڑی تعداد امدادی کارکنان کے ہمراہ جائے وقوعہ پر بھیجی گئی، رضا کاروں نے بس میں پھنسے ہوئے مسافروں کو باڈی کاٹ کر نکالا اور اسپتال منتقل کیا۔

ریسکیو ذرائع کا کہنا ہے کہ جائے وقوعہ سے 54 زخمی مسافروں کو طبی امداد کیلئے اسپتال بھیجا گیا جبکہ 26معمولی زخمیوں کی فوری مرہم پٹی کرکے گھروں کو روانہ کردیا۔

اس حوالے سے سے پولیس کا کہنا ہے گزشتہ شام 6بجے سے رات 11بجے تک مجموعی طور پر 53 ٹریفک حادثات کی اطلاع دی گئی جو شدید سردی، برفباری اور ڈرائیور کی غفلت کے باعث پیش آئے۔

Comments

Read Entire Article