معروف ٹینس اسٹار کھلاڑی برتن دھونے پر مجبور؟ ویڈیو وائرل

2 weeks ago 24

ٹینس کے میدان میں حکمرانی کرنے والے نوواک جوکووچ گھر کے کام کاج کرنے میں بھی ماسٹر نکلے، دلچسپ ویڈیو سوشل میڈیا پر وائرل ہوگئی۔

عالمی نمبر ون ٹینس اسٹار نوواک جوکووچ کی کچن میں برتن دھونے کی دلچسپ ویڈیو وائرل ہوئی ہے، ویڈیو کو ان کی اہلیہ جیلینا نے اپنے سوشل میڈیا اکاؤنٹ سے شیئر کیا۔

ویڈیو میں ٹینس اسٹار کو کچن میں کھڑے برتن دھوتے دیکھا جاسکتا ہے، ساتھ ہی وہ اپنی اہلیہ سے مقامی زبان میں گفتگو بھی کررہے ہیں جب کہ جیلینا اس دوران ویڈیو بنانے میں مصروف ہیں۔

ویڈیو میں نوواک کی اہلیہ کے پوچھنے پر ٹینس اسٹار نے بتایا کہ کچن میں یہ ان کی تیسری شفٹ ہے، نوواک جوکووچ کو معلوم نہیں تھا کہ اُن کی اہلیہ یہ دلچسپ منظر کیمرے کی آنکھ میں قید کر رہی ہیں۔

Novak’s 3rd shift/Novakova treća smena. This is how Novak meditates after his late night match at the #USOpen 🤣😍♥️ He’s my MVP in the kitchen 🥰 @djokernole pic.twitter.com/1XvkT8YEdt

— Jelena Djokovic (@jelenadjokovic) September 7, 2021

نوواک اپنی اہلیہ سے پوچھتے ہیں تم کیا کر رہی ہو؟ اس پر اہلیہ جواب دیتی ہیں میں ایک اچھی بیوی کی طرح ویڈیو بنا رہی ہوں۔

ٹینس اسٹار کے گھر کے کام میں ہاتھ بٹانے کی ویڈیو اور میاں بیوی کے درمیان خوشگوار موڈ میں گفتگو کی ویڈی سوشل میڈیا پر تیزی سے وائرل ہورہی ہے، مداحوں نے نوواک کو کچن میں کام کرتا دیکھ کر خوشگوار حیرانی کا اظہار بھی کیا ہے۔

ویڈیو میں ٹینس اسٹار کی اہلیہ نے اپنے خاوند کو ‘موسٹ ویلیو ایبل پلیئر’ کے خطاب سے بھی نوازا،نوواک جوکووچ کی اس ویڈیو کو ایک ٹوئٹر صارف نے انگریزی زبان میں ترجمے کے ساتھ بھی شیئر کیا ہے۔

Comments

Read Entire Article