قیمتیں نہیں بڑھیں گی تو گیس تلاش کی سرگرمیاں رک جائیں گی، اوگرا

2 months ago 42

اسلام آباد (این این آئی) چیئرمین اوگرا نے کہا ہے کہ گیس کی قیمتیں نہ بڑھیں تو گیس تلاش کی سرگرمیاں رک جائیں گی۔تفصیلات کے مطابق اوگرا میں گیس قیمتوں میں 137فیصد اضافے کی درخواست پر سماعت ہوئی جس میں تاجربرادری نے مزید اضافے کو کاروبار بند کرنے کے مترادف قراردے دیا۔ تاجر برادری نے کہا کہ فرٹیلائزر کا ٹیرف نہ بڑھانا سمجھ سے بالاتر ہے، آئندہ اضافہ فرٹیلائزر اور رہ جانے والے دیگر صارفین پر ڈالا جائے۔

دوران سماعت سوئی سدرن گیس کمپنی حکام نے کہا کہ بلوچستان میں 72فیصد گیس میٹرز ٹیمبرڈ ہو رہے ہیں، بلوچستان کے نقصانات اور آر ایل این جی گھریلو صارفین کو دینے سے ٹیرف بڑھ رہا ہے۔ای ایس جی سی حکام نے کہا کہ گیس کے شعبے میں کام کرنے والی کمپنیوں کو 300ارب کی ادائیگیاں کرنی ہیں، لہٰذا ٹیرف نہیں بڑھے گا تو کمپنیوں کا آپریشن چلانا مشکل ہو جائے گا۔اس موقع پر چیئرمین اوگرا نے کہا کہ تاجربرادری کے تحفظات وفاقی حکومت کے سامنے رکھوں گا، روپے کی قدرمیں گراوٹ بھی ٹیرف اضافے کا باعث بنی، پہلے ہی گیس کی پیداوار 7سے 8فیصد تک سالانہ گر رہی ہے، اگر ٹیرف نہیں بڑھے گا تو گیس تلاش کی سرگرمیاں رک جائیں گی۔