خلیجی ملک میں چینی ویکسین کی تیسری ڈوز لگانے کی ہدایت

2 weeks ago 47

بحرین نے اپنے شہریوں کو چینی ویکسین سائینوفارم کی تیسری ڈوز لگوانے کی ہدایت کر دی۔

خلیجی میڈیا کے مطابق بحرین میں کورونا کیسز میں اضافے پر ویکسینیشن عمل کو تیز اور وسیع ‏پیمانے پر پھیلانے کے لیے اقدامات کیے گئے ہیں۔

حکام نے شہریوں کو ہدایت کی ہے وہ سائینوفارم کی تیسری ڈوز بھی لگوائیں، جن افراد نے دو ‏خوراکیں لی ہیں وہ تیسری خوراک کے لیے بھی رجسٹریشن کروائیں۔

پریس کانفرنس کے دوران قومی ٹیم کے اہم رکن مناف القحطانی نے کہا کہ جسم میں قوت ‏مدافعت بڑھانے کے لیے شہری ویکسین کی اضافی ڈوز حاصل کر سکتے ہیں۔

انہوں نے کہا کہ تمام شہریوں سے اپیل ہے وہ ویکسینیشن کے لیے اندراج کروائیں تاکہ جلد ازجلد ‏ویکسین لگائی جا سکے۔

چین کی سائینوفارم ویکسین کو عالمی ادارہ صحت نے ہنگامی استعمال کی منظوری دی ہے، دنیا کے ‏کئی ممالک یہ ویکیسن استعمال کررہے ہیں جن میں پاکستان بھی شامل ہے۔

ادھر پاکستان میں تعینات سعودی سفیر نواف بن سعید المالکی نے حج وعمرہ کے لیے چین کی ‏ویکسین کو اپنی لسٹ میں شامل کرنے کی یقین دہانی کروائی ہے۔

Comments

Read Entire Article