حلقہ این اے 249 میں‌ دوبارہ گنتی کا عمل مکمل، کون کامیاب ہوا؟

1 month ago 33

کراچی: شہر قائد کے حلقہ برائے قومی اسمبلی این اے 249 میں ووٹوں کی دوبارہ گنتی کا عمل مکمل ہوگیا ہے۔

اے آر وائی نیوز کے مطابق مسلم لیگ ن کے امیدوار مفتاح اسماعیل کی جانب سے الیکشن کمیشن آف پاکستان میں دائر درخواست پر ووٹوں کی دوبارہ گنتی کا عمل مکمل ہوگیا ہے۔

دوبارہ گنتی کے دوران تقریباً تمام ہی جماعتوں کے امیدواران کے ووٹ کم ہوئے۔

غیر حتمی غیر سرکاری نتائج کے مطابق دوبارہ گنتی میں قادر مندو خیل 906 کی برتری سے کامیاب ہوئے جبکہ اس سے قبل وہ 683 ووٹوں سے کامیاب ہوئے تھے۔

این اے 249 کے غیر حتمی غیر سرکاری نتائج کے مطابق  دوبارہ گنتی میں پیپلزپارٹی کے امیدوار قادر مندو خیل کو پہلے سے زیادہ برتری حاصل ہوئی۔

مزید پڑھیں: این اے 249: پی ٹی آئی نے ضمنی انتخاب کالعدم قرار دینے کی درخواست دائر کر دی

الیکشن کمیشن ذرائع کے مطابق پاکستان پیپلزپارٹی کے امیدوار مجموعی طور پر 15 ہزار 656 ووٹ حاصل کر کے پہلے اور مسلم لیگ ن کے امیدوار مفتاح اسماعیل 14 ہزار 747 ووٹ لے کر دوسرے نمبر پر رہے۔

واضح رہے کہ  قومی اسمبلی کے حلقہ این اے 249 میں 29 اپریل کو ضمنی انتخاب کا انعقاد کیا گیا تھا، جس میں پاکستان پیپلزپارٹی کے امیدوار کامیاب قرار پائے تھے۔

مسلم لیگ ن کے امیدوار نے ووٹوں کی دوبارہ گنتی کے لیے الیکشن کمیشن آف پاکستان میں درخواست دائر کی تھی، جس پر الیکشن کمیشن نے دوبارہ گنتی کا حکم دیا۔

یہ بھی پڑھیں: این اے 249 ضمنی انتخاب، ووٹوں کی دوبارہ گنتی جاری، پی پی کے سوا تمام جماعتوں کا بائیکاٹ

الیکشن کمیشن نے دوبارہ گنتی کے  عمل کے دوران تمام سیاسی جماعتوں اور آزاد حیثیت سے الیکشن لڑنے والے امیدواران کو آر او آفس طلب کیا تھا مگر پی پی پی کے علاوہ تمام جماعتوں نے دوبارہ گنتی کے عمل کا بائیکاٹ کردیا تھا۔

Comments

Read Entire Article