جو لیڈر اپنی غلطی نہیں مان سکتا وہ لیڈر نہیں بن سکتا، آرمی چیف

1 day ago 3

لاہور: آرمی چیف جنرل قمر جاوید باجوہ کا کہنا ہے کہ لیڈر شپ کا کام لڑنا ہوتا ہے، ہار جیت ہوتی رہتی ہے جو لیڈر اپنی غلطی نہیں مان سکتا وہ لیڈر نہیں بن سکتا۔

اے آر وائی نیوز کے مطابق قومی کرکٹ ٹیم کے اعزاز میں عشائیہ دیا گیا جس میں صدر مملکت ڈاکٹر عارف علوی، آرمی چیف جنرل قمر جاوید باجوہ  نے شرکت کی، اس موقع پر چیئرمین پی سی بی رمیز راجہ نے پاک فوج کے سپہ سالار کا استقبال کیا۔

آرمی چیف نے قومی ٹیم کارکردگی کو سراہا

آرمی چیف نے قومی کرکٹرز سے ملاقات کی اور ورلڈ کپ میں ٹیم کی کارکردگی کو سراہا۔

President of Pakistan Dr Arif Alvi and Chief of Army Staff General Qamar Javed Bajwa join us on the evening honouring the achievements of our cricket stars. pic.twitter.com/vkmBbYhuYT

— Pakistan Cricket (@TheRealPCB) November 24, 2022

ان کی کپتان بابر اعظم اور فاسٹ بولر شاہین آفریدی سے گفتگو ہوئی، جنرل قمر جاوید باجوہ نے فاسٹ بولر سے ان کی انجری سے متعلق دریافت کیا۔

کرکٹ کے ساتھ ہاکی اور فٹبال کا کھیل پسند ہے، جنرل قمر جاوید باجوہ

آرمی چیف جنرل قمر جاوید باجوہ نے صحافیوں سے غیررسمی گفتگو کرتے ہوئے کہا کہ قومی کرکٹرز بہت اچھا کھیلتے ہیں، نوجوان کھلاڑیوں کو بھی سپورٹ کیا جانا چاہیے، کھلاڑی اپنی کارکردگی کو مزید بہتر بنانے کے لیے محنت کریں۔

📸📸 A special meet and greet with the Pakistan players underway in Islamabad in appreciation of the team's recent performances. pic.twitter.com/9xB7vpuJ7s

— Pakistan Cricket (@TheRealPCB) November 24, 2022

آرمی چیف نے کہا کہ کرکٹ کے ساتھ ہاکی اور فٹبال کا کھیل پسند ہے، کھلاڑیوں کی بہتری کے لیے اپنی سپورٹ جاری رکھوں گا۔

اگر شاہین آفریدی زخمی نہ ہوتا تو فائنل کا رزلٹ مختلف ہوتا، آرمی چیف

تقریب کی میزبان نے کرکٹ ٹیم سے متعلق آرمی چیف جنرل قمر جاوید باجوہ سے سوالات کیے۔

📸📸 pic.twitter.com/zE4OVZLVtW

— Pakistan Cricket (@TheRealPCB) November 24, 2022

جواب میں پاک فوج کے سپہ سالار نے کہا کہ ٹی 20 کرکٹ فارمیٹ میں شاداب خان بہترین کرکٹر ہے ورلڈ کپ ہم کلوز مارجن سے ہارے اگر شاہین آفریدی زخمی نہ ہوتا تو فائنل کا رزلٹ مختلف ہوتا۔ انہوں نے مزید کہا کہ ہماری ٹیم اب دوبارہ کھڑی ہوگئی ہے۔

Comments

Read Entire Article