بنگلا دیش کیخلاف میچ سے قبل حسن علی کا نیا انداز وائرل

4 days ago 18

چٹاگانگ: بنگلہ دیش کیخلاف میچ سے قبل قومی ٹیم کے فاسٹ بولر حسن علی نے نیا انداز اپنا لیا۔

تفصیلات کے مطابق پاکستان اور بنگلا دیش کے درمیان دو ٹیسٹ میچز کی سیریز کا پہلا میچ کل سے چٹانگ میں شروع ہوگا، قومی ٹیم کے فاسٹ بولر حسن علی نے میچ سے قبل ہی نیا انداز اپنا لیا جسے مداحوں کی جانب سے بھی پسند کیا جارہا ہے۔

بنگلا دیش کیخلاف میچ میں ٹی ٹوئنٹی اسکواڈ کے کچھ کھلاڑی ٹیسٹ اسکواڈ کا بھی حصہ ہیں جن میں فاسٹ بولر حسن علی بھی شامل ہیں تاہم وہ ٹیسٹ سیریز میں ایک نئے انداز کے ساتھ میدان میں اتریں گے۔

پاکستان کرکٹ بورڈ (پی سی بی) نے حسن علی کی دو تصاویر جاری کی ہیں جن میں سے ایک میں حسن علی کے لمبے بال ہوا میں لہرا رہے ہیں جبکہ دوسری تصویر میں ان کے بال چھوٹے نظر آرہے ہیں۔

T20Is to Tests!!@RealHa55an pic.twitter.com/Lzb9mYJxw3

— Pakistan Cricket (@TheRealPCB) November 25, 2021

پی سی بی کی ٹوئٹ میں کوئی واضح پیغام تو نہیں البتہ شائقین کرکٹ نے اس سے یہی نتیجہ اخذ کیا ہے کہ حسن علی نے ٹیسٹ سیریز سے قبل اپنا ہیئر اسٹائل تبدیل کرلیا ہے اور اب وہ چھوٹے بالوں میں نظر آئیں گے۔

شائقین کرکٹ حسن علی کے اس نئے انداز کو کافی پسند کررہے ہیں۔

Comments

Read Entire Article