بجلی کے بلز میں کے ایم سی چارجز کو چیلنج کر دیا گیا

2 weeks ago 20

کراچی : سندھ ہائی کورٹ میں بجلی کے بلز میں کے ایم سی چارجز کو چیلنج کردیا گیا، جس میں چارجز کی وصولی سے متعلق نوٹیفکیشن کالعدم قرار دینے کی استدعا کی گئی ہے۔

تفصیلات کے مطابق امیر جماعت اسلامی کراچی حافظ نعیم الرحمان نے سندھ ہائی کورٹ میں بجلی کےبلزمیں کےایم سی چارجز کو چیلنج کردیا۔

درخواست میں مؤقف اختیار کیا گیا کہ کے الیکٹرک بل میں کےایم سی کے150ماہانہ چارجرزکااطلاق غیرقانونی ہے۔

درخواست گزار کا کہنا تھا کہ واٹر بورڈ کے بل میں کنزروینسی چارجز پہلے ہی شامل ہیں، استدعا ہے کے الیکٹرک کے بل میں کے ایم سی چارجز کو غیر قانونی قرار دیا جائے۔

حافظ نعیم الرحمان نے استدعا کی کہ کے ایم سی چارجز کی وصولی سے متعلق نوٹیفکیشن کالعدم قرار دیا جائے۔

درخواست میں کے ایم سی، کے الیکٹرک، سندھ حکومت اور وفاقی حکومت کو فریق بنایا گیا ہے۔

اس موقع پر میڈیا سے گفتگو کرتے ہوئے حافظ نعیم الرحمان نے کہا کہ کے ایم سی نے ایک ناجائز چارج لگایا ہے کے الیکٹرک کی ملی بھگت سے غیرقانونی ٹیکس لگایا گیا ہے۔

ان کا کہنا تھا کہ ہم توقع رکھتے ہیں اس پر فوری شنوائی ہوگی اور ناجائز وصولی سے روکا جائے گا۔

Comments

Read Entire Article