بابر اعظم سے متعلق گوگل پر کیا سرچ کیا جاتا ہے؟

1 week ago 38

قومی کرکٹ ٹیم کے کپتان اور دورے حاضر کے کامیاب ترین بلے باز بابر اعظم کے مداح اُن کی زندگی سے متعلق بہت کچھ جاننے کے خواہش مند رہتے ہیں۔

بابر اعظم اور اُن کی نجی زندگی سے متعلق جاننے کے لیے پرستار گوگل سرچ کا سہارا لیتے ہیں، اگر آپ کبھی انٹرنیٹ کے معروف سرچ انجن پر بابر اعظم لکھیں تو اُن سے متعلق سرچ کیے گئے سوالات سامنے آئیں گے۔

ان سوالات میں شادی، رہائش، آمدنی اور آئیڈیل کھلاڑی وغیرہ شامل ہیں۔

اب بابر اعظم نے اپنے سے متعلق گوگل پر پوچھے جانے والے سوالات کے جوابات دیے۔

شادی سے متعلق سوال پر کپتان نے بتایا کہ وہ خود اس بارے میں نہیں جانتے، اس بارے میں اہل خانہ ہی بتا سکتے ہیں کیونکہ حتمی فیصلہ گھر کے بڑوں کو ہی کرنا ہے۔

Let’s hear @babarazam258 answer the most googled questions about him.#BANvPAK #HarHaalMainCricket pic.twitter.com/5xr7ZH8ghi

— Pakistan Cricket (@TheRealPCB) November 21, 2021

بابر اعظم نے آمدنی سے متعلق پوچھے جانے والے سوال کا جواب نہیں دیا جبکہ آبائی علاقہ لاہور بتایا اور وہاں کی مشہور چیز کھانے کو قرار دیا۔

پاکستان کرکٹ بورڈ کی جانب سے شیئر کی جانے والی ویڈیو میں بابر اعظم نے اپنے پسندیدہ کھلاڑی سے متعلق سوال کا جواب دیتے ہوئے  بتایا کہ  حال ہی میں ریٹائر ہونے والے افریقی بلے باز اے بی ڈویلیئر اُن کے پسندیدہ کرکٹر ہیں۔

مزید پڑھیں: اے بی ڈویلیئرز کی ریٹائرمنٹ پر انوشکا شرما افسردہ

بابر اعظم کے مطابق انہوں نے اے بی ڈویلیئر کو دیکھ کر بہت کچھ سیکھا اور اُن کی بلے بازی کا انداز اپنانے کی کوشش بھی کی۔ ایک اور سوال کا جواب دیتے ہوئے بابر اعظم نے بتایا کہ وہ دورے میں 6 بلے اپنے ساتھ رکھتے ہیں، جن میں سے ہر ایک کا وزن مختلف ہے۔

Comments

Read Entire Article