اس اسمارٹ پنگھوڑے نے والدین کی بڑی پریشانی دور کردی، حیران کن فیچرز

1 month ago 22

نومولود بچوں کو پرسکون نیند فراہم کرنے کے لیے ماہرین ایسی جدید ٹیکنالوجی کا استعمال کررہے ہیں جس کی مدد سے والدین کی بھی بڑی پریشانی دور ہوجائے گی۔

جی ہاں، امریکا میں آرٹی فیشنل اے آئی ٹیکنالوجی کی مدد سے جادوئی اسمارٹ پنگھوڑا تیار کیا جارہا ہے جو ناصرف شیرخوار بچوں کو آرام دہ اور پرسکون نیند کا ذریعہ بننے گا بلکہ والدین بھی اپنے روزمرہ کے معاملات بغیر کسی رکاوٹ کے انجام دے سکیں گے، پنگھوڑے کے فیچرز آپ کو حیران کردیں گے۔

امریکا میں کارڈلی وائز نامی کمپنی یہ پنگھوڑا تیار کررہی ہے جس میں ایک بلٹ ان مانیٹر نصب ہے جو بچوں کو زیادہ دیر تک سونے میں مدد دے گا، پنگھوڑے کے اوپر سے لکڑی کی پٹی پر مانیٹر اور کیمرا بھی موجود ہے۔

پنگھوڑے کو اوپر نیچے کرنے کی سہولت دی گئی ہے، اس کا جادوئی فیچر یہ بھی ہے کہ یہ ازخود بچے کی نیند کا دورانیہ جان لیتا ہے اور یہ بھی پتا لگا سکے گا کہ نومولود کب بیدار ہوگا، تو جب بچہ جاگتا ہے تو یہ خودکار طور پر بہت ہلکے ہلکے جھولنے لگتا ہے تاکہ رونے یا شور کرنے سے پہلے بچہ سوجائے۔

اسی طرح جب بچہ دوبارہ سوجائے تو پنگھوڑا تھم جاتا ہے، اس میں موسیقی کی سہولت موجود ہے جو بچوں کو لوریوں کی صورت سنانے میں کام آسکتی ہے، ایپ کے ذریعے اس پنگھوڑے کو استعمال کرنے کے علاوہ دور بیٹھ کر اس کی حرکت بھی دیکھ سکتے ہیں، یہ ایپ والدین کو بچے کی نیند کا ڈیٹا بھی فراہم کرتی ہے۔

خیال رہے یہ پراجیکٹ ابھی تجرباتی مراحل میں ہے ممکنہ طور پر 2021 میں دستیاب ہوگا۔

Comments

Read Entire Article