آسٹریلیا : لاکھوں مردہ مچھلیاں ایک بار پھر دریا کی سطح پر آگئیں

سڈنی : آسٹریلیا کے دارالحکومت سڈنی میں ایک ہزار کلومیٹر مغرب میں دریائے ڈارلنگ کے اندر لاکھوں مچھلیاں مردہ حالت سطح پر پائی گئیں، یہ واقعہ ملک میں تیسری مرتبہ پیش آیا ہے۔

غیرملکی خبر رساں ادارے کی رپورٹ کے مطابق آسٹریلیا کے نیو ساؤتھ ویلز کے قصبے مینندی کے قریب دریائے ڈارلنگ میں لاکھوں مچھلیاں مرنے سے علاقے میں ناگوار بو پھیل چکی ہے۔

مقامی حکام کے مطابق لاکھوں کی تعداد میں تاحد نگاہ مردہ مچھلیاں دریا کی سطح پر پڑی ہیں، مردہ مچھلیوں نے دریا کے وسیع حصے پر اپنی لپیٹ میں لے لیا ہے، اور دور دور تک دریا کا پانی دکھائی نہیں دے رہا ہے۔

Another catastrophic mass fish death in the Menindee Lakes.

The reality is the Darling River is very sick.

Years of mismanagement by the NSW Govt has exacerbated the impact of our changing climate – this local ecosystems has been pushed to breaking point. pic.twitter.com/KyDREzmIuG

— Rose Jackson (@RoseBJackson) March 17, 2023

حکومتی ذرائع کا کہنا ہے کہ مذکورہ مقام پر لاکھوں مچھلیوں کے مرنے کا یہ تیسرا واقعہ ہے، اس سے قبل 2018 اور 2019 میں اسی علاقے میں مچھلیوں کے مرنے کے واقعات ہوچکے ہیں۔

اس حوالے سے آسٹریلوی ماہرین کا کہنا ہے کہ یہاں پانی کا خراب بہاؤ اور درجہ حرارت میں ہونے والی اچانک تبدیلی مچھلیوں کی موت کا سبب بنتی ہے۔

این ایس ڈبلیو ڈیپارٹمنٹ آف پلاننگ اینڈ انوائرمنٹ کے مطابق دریا کے اس جگہ پانی میں آکسیجن کی مقدار کم ہونے سے آبی حیات کا سانس لینا ممکن نہیں رہتا ،جس کی وجہ سے ان کی موت ہو جاتی ہے۔

Comments